Ўзбекистон президентининг сайловлари 4 декабрда бўлиб ўтади (қўшимча)
Тошкент. 9 сентябр. ЎзТАГ – Ўзбекистон президентининг сайловлари 4 декабрда бўлиб ўтади, деб хабар беради Ўзбек телеграф агентлиги (ЎзТАГ) республика МСКга асосланган ҳолда.
Қарор Ўзбекистон Республикаси Марказий сайлов комиссиясининг Марказий сайлов комиссияси раиси М.Абдусаломов бошқарган мажлисида қабул қилинган.
“Ўзбекистон Республикаси Конституциясининг 96, 117-моддалари ҳамда “Ўзбекистон Республикаси Президенти сайлови тўғрисида”ги Қонуннинг 8-моддасига, “Ўзбекистон Республикаси Марказий сайлов комиссияси тўғрисида”ги Қонуннинг 5 ва 9-моддаларига мувофиқ 2016 йил 4 декабрь, якшанба кунини Ўзбекистон Республикаси Президенти сайлови куни деб белгилаш тўғрисида қарор қабул қилинди”, – дейилади жума куни тарқатилган хабарда.
Шу муносабат билан Ўзбекистон Республикаси Марказий сайлов комиссияси жорий йилнинг 9 сентябридан Ўзбекистон Республикаси Президенти сайлови бўйича сайлов кампанияси бошланганлигини эълон қилди.
Марказий сайлов комиссияси мажлисида Ўзбекистон Республикаси Президенти сайловига тайёргарлик кўриш ва уни ўтказиш бўйича Асосий тадбирлар дастури ҳам тасдиқланди.
Эслатиб ўтамизки, 2 сентябрда Ўзбекистонда президент Ислом Каримовнинг инсульт натижасида вафот этгани ҳақида эълон қилинди. Мамлакатнинг биринчи президенти туғилган юрти Самарқандда 3 сентябрда дафн этилди.
Кейинчалик Ўзбекистон бош вазири Шавкат Мирзиёев вақтинчалик президент вазифасини бажарувчи этиб тайинланди.
Ш.Мирзиёев 2003 йилдан бери бош вазир лавозимида ишлайди. 2015 йил январдаги парламент сайловлари якунлари бўйича у яна Ўзбекистон ҳукумат раҳбари этиб тасдиқланган эди.
