Ўзбекистон провайдерлари учун тарифлар тўртинчи марта пасайтирилди
Тошкент. 27 январ. ЎзТАГ – “Ўзбектелеком” Акционерлик компанияси 2015 йил 22 январдан бошлаб Ўзбекистон провайдерлари учун интернет-хизматлар (ташқи канал) тарифларининг 1 Мбит/секундига $251,94гача пасайтирилганлиги ҳақида маълум қилди, дея хабар беради Ўзбек телеграф агентлиги (ЎзТАГ).
“Ўзбектелеком” АК хабар қилишларича, жорий йилнинг ўзида тарифлар 4 марта пасайтирилган. Хусусан, нархлар 2015 йил 1 январдан 1 Мбит/секундига $259,29гача, 7 январдан $257,42гача, 8 январдан $253,74гача ва 22 январдан $251,94гача туширилган.
Эслатиб ўтамизки, 2014 йилда тарифлар олти марта пасайтирилган эди. Агар январда ташқи канал ижараси 1 Мбит/секунди $306 турган бўлса, декабрга келиб у $265га тушди.