Ўзбекистон раҳбари Туркия президентига ҳамдардлик билдирди

Тошкент. 10 июл. ЎзТАГ – Ўзбекистон президенти Шавкат Мирзиёев Туркиянинг Текирдоғ вилоятида рўй берган поезд ҳалокати оқибатида кўплаб инсонлар қурбон бўлгани ва жароҳатлангани муносабати билан Туркия Республикаси Президенти Режеп Таййип Эрдоғанга ҳамдардлик билдирди, деб хабар беради Ўзбек телеграф агентлиги (ЎзТАГ).

Бу ҳақида Ўзбекистон президентининг матбуот хизмати маълумот берди.

ОАВнинг соғлиқни сақлаш вазири Ахмет Демиржанга таяниб берган маълумотларига кўра, Туркиядаги темир йўлдаги ҳалокат қурбонлари сони 24 етган, 338 киши жароҳатланган.

Темир йўл ҳалокати 8 июл якшанба куни содир бўлган. Йўловчи поезди Капикулдан Истанбулга кетаёган бўлган. Унда 362 йўловчи бўлган. Бир неча вагонлар рельсдан чиқиб кетиб, ағдарилган. Маҳаллий маъмурият ҳалокатга кучли ёмғир сабаб бўлганини айтмоқда. Унинг натижасида темир йўл рельслари ва сув ўтказувчи тоннел орасидаги тупроқ ювилиб кетган. Тергов олиб борилмоқда.

Ярадорларни эвакуация қилиш учун ҳарбий вертолетлар юборилган. Қидирув-қутқариш операцияси 9-июл куни эрта тонгда якунланди. Барча жабрланганлар шифохоналарга олиб борилган ва тиббий ёрдам кўрсатилган. 124 киши шифокорлар назорати остида.

Сурат манбаи: https://www.bbc.com/russian/news-44760560