Ўзбекистон савзовот, мева ва узумни кўпроқ етиштиради
Дата: 12:25, 06-06-2014.
Тошкент. 6 июн. ЎзТАГ – Кейинги беш йил – 2010 – 2014 йиллар орасида боғлар майдонлари 18,8 минг гектарга кенгайгани натижасида Ўзбекистон савзовот, мева ва узумни кўпроқ етиштиради, дея хабар беради Ўзбек телеграф агентлиги (ЎзТАГ) мамлакат Қишлоқ ва сув хўжалиги вазирлиги маълумотларига асосланган ҳолда.
Шу билан бирга, боғларни кенгайтириш ишлари 2014 йилда ҳам давом эттирилади. Жорий йилнинг ўзида 2,2 минг гектар янги боғлар ва 8,9 минг гектар узумзорлар барпо этилди. Шунингдек, 5,6 минг гектар интенсив боғларга асос солинди. Бундан ташқари, 10,2 минг гектар майдондаги боғ ва узумзорлар реконструкция қилинди.
