Ўзбекистон Сенати хўжалик судлари томонидан хулосалар чиқариш муддатларини қисқартирди
Тошкент. 7 август. ЎзТАГ - Ўзбекистон Сенати хўжалик судлари томонидан хулосалар чиқариш муддатларини 10 кундан 5 кунгача қисқартирди, деб хабар беради Қозоқ телеграф агентлиги (КазТАГ) мухбири.
Бу имконият Ўзбекистон парламенти Сенати (юқори палата) куни-кеча Жиноят кодексига ўзгартишлар киритганидан кейин пайдо бўлди.
“Ишларни оператив равишда кўриб чиқиш мақсадларида мамлакат Хўжалик процессуал кодексига хўжалик судлари томонидан даъво ишларини кўриб чиқишга қабул қилиш хулосаларини чиқариш ва ишларни судда кўриб чиқиш тайёрлаш муддатларини 10 кундан 5 кунга қадар қисқартиришни кўзда тутувчи ўзгартиш ва қўшимчалар киритилмоқда”, - деб хабар қилади КазТАГ.
“Тадбиркорлик фаолияти эркинлигининг кафолатлари тўғрисида”ги қонундан тадбиркорлик субъектларининг имтиёз ва преференциялар учун давлат органларига мурожаат қилиш мажбуриятлари ҳақидаги меъёр чиқариб ташланмоқда. Қабул қилинаётган қонунга мувофиқ Ягона интерактив давлат хизматлари порталида Имтиёзлар ва преференцияларнинг ягона реестри яратилмоқда. Бу тадбиркорларга соҳадаги ўзгариш ва имтиёзлардан ўз вақтида хабардор бўлиш имконини беради.
Тузатишлар мамлакат президенти томонидан имзоланиб, матбуотда чоп этилганидан кейин кучга киради.
