Ўзбекистон Сенати Нахчивон келишувини ратификация қилиш тўғрисидаги қонунни маъқуллади

Тошкент. 16 сентябрь. ЎзТАГ - Ўзбекистон Сенати Нахчивон келишувини ратификация қилиш тўғрисидаги қонунни маъқуллади, дея хабар беради Ўзбек телеграф агентлиги (ЎзТАГ).

Парламентнинг юқори палатаси маълумотларига кўра, 14 сентябрь куни Тошкентда Ўзбекистон Республикаси Олий Мажлиси Сенатининг 22-ялпи мажлисида "Ўзбекистон Республикаси туркий тилли давлатлар ҳамкорлик Кенгашини (ТТДҲТ) ташкил этиш тўғрисида Нахчивон битимини (Нахчивон, 2009 йил 3 октябрь) ратификация қилиш тўғрисида"ги қонун маъқулланди.

Сенаторлар сўнгги пайтларда сиёсий, савдо-иқтисодий, илмий-техникавий, маданий-гуманитар ва бошқа соҳаларда туркий кенгашга аъзо давлатлар, энг аввало, минтақадаги энг яқин қўшнилар билан ҳамкорлик мустаҳкамланиб бораётганини таъкидладилар. Бу ТТДҲТ доирасида Ўзбекистоннинг кўп томонлама ҳамкорлигини ривожлантириш учун янги имкониятлар яратади.

Қайд этилганидек, Ўзбекистоннинг ташкилотга аъзолиги товар, капитал, хизматлар ва технологияларнинг эркин ҳаракатланишини изчил амалга ошириш ҳамда молиявий ва банк операцияларини соддалаштириш мақсадида савдо ва инвестициялар учун қулай шарт-шароитлар яратиш, божхона ва транзит тартиб-таомилларини янада соддалаштиришга хизмат қилади.

Эслатиб ўтамиз, Туркий тилли давлатлар ҳамкорлик кенгаши фаолияти туркий тилли давлатлар ўртасида дўстлик ва яхши қўшничиликни мустаҳкамлаш, минтақа ва дунёда тинчлик, хавфсизлик ва ўзаро ишончни сақлашга қаратилган халқаро ҳукуматлараро ташкилотдир. Ҳозирги кунда кенгаш аъзолари 4 давлат: Озарбайжон, Қозоғистон, Қирғизистон ва Туркия ҳисобланади.

 

Сурат манбаи: senat.uz