Ўзбекистон Сенати “озодликни чегаралаш”ни жиноий жазолар рўйхатига киритди
Тошкент. 7 август. ЎзТАГ – Пайшанба куни Ўзбекистон парламенти Сенати (юқори палата) Жиноят кодексига “озодликни чегаралаш”ни жиноий жазолар рўйхатига қўшишга доир тузатишлар киритди, деб хабар беради Қозоқ телеграф агентлиги (КазТАГ) мухбири.
Тузатишларга мувофиқ, озодликни чеклаш 3 йилга қадар муддатга жамоатчиликка катта ҳавфли бўлмаган жиноятлар учун, 3 йилдан 5 йилга қадар жазо эса бундан оғир бўлмаган жиноятлар учун берилади. Ушбу чора ҳарбийлар, хорижий фуқаролар ва Ўзбекистонда доимий яшаш жойига эга бўлмаганларга қўлланмайди.
Маҳкум озодликни чеклашга амал қилишдан атайлаб бош тортган ҳолларда суд жазонинг ўталмаган қисмини озодликни чеклашнинг ҳар икки куни учун 1 кун озодликдан маҳрум қилиш жазосига алмаштириши мумкин.
Тузатишлар мамлакат президенти томонидан имзоланиб, матбуотда чоп этилганидан кейин кучга киради.
