Ўзбекистон синтетик ёнилғи заводи қурилиши учун ташқи маблағлар жалб қилишда муаммоларга дуч келди
Тошкент. 18 декабр. ЎзТАГ – 2015 йилда нефть нархлари тушиб кетиши туфайли Uzbekistan GTL ҚК синтетик ёнилғи заводи (GTL жараёни) қурилиши учун ташқи маблағлар жалб қила олмади, деб хабар беради Ўзбек телеграф агентлиги (ЎзТАГ).
Sputnik агентлигининг ўзбек ҳукуматидаги манбага асосланиб берган хабарига кўра, нефть нархлари конъюнктурасига боғланган лойиҳа жорий йилда жуда мураккаб бўлди, шу сабабли инвестор ва банклар бу каби лойиҳаларга эҳтиёткорлик билан муносабатда бўлдилар.
Манба халқаро банк консорциуми яратиш ишлари жуда мураккаб кетаётгани ва лойиҳани амалга ошириш графигига ўзгартишлар киритилиши эҳтимоли бор.
Эслатиб ўтамизки, умумий қиймати $5,6 млрдлик лойиҳани молиялаштириш Uzbekistan GTL муассислари маблағлари, банк консорциуми кредитлари ҳисобига (сумманинг 70%) амалга оширилиши режалаштирилган эди.
2009 йил ноябрда “Ўзбекнефтегаз” МХК, Жанубий Африканинг Sasol ва малайзиянинг Petronas ширкати Ўзбекистондаги Шўртан ГКМ асосида GTL заводи қуриш учун Uzbekistan GTL ҚК тузган эдилар.
Ҳозирда Sasol ва “Ўзбекнефтегаз” лойиҳада 44,5%, Petronas 11% улушга эга. 2013 йил ёзда Sasol лойиҳадаги иштирокини 25,5%га туширишни қарор қилди, қолган улушлар мавжуд акционерлар орасида тақсмиланиши ёки ҚК янги иштирокчисига берилиши мумкин. Ҳозирда ҚК янги иштирокчилар қидирмоқда.
Завод йилига 3,5 млрд кубометр газни қайта ишлаб, 864 минг тонна дизел ёқилғи, 304 минг тонна авиакеросин, 395 минг тонна нефть ва 11,2 минг тонна суюлтирилган газ ишлаб чиқаради. Заводнинг технологик қисми Жанубий Кореянинг Hyundai Engineering & Construction томонидан барпо этилади.
