Ўзбекистон сланецни қайта ишлашга қўшилади

Тошкент. 16 май. ЎзТАГ – Сланецларни қайта ишлаш Ўзбекистон ёқилғи бозорини тўлдиришга ёрдам бериши мумкин, дея хабар беради Газета.uz.
“Ўзбекнефтегаз” МХКси 2014 йилда Навоий ваилоятидаги “Сангрантов” ёнувчи сланецлар конини ўзлаштиришга киришни режалаштирмоқда. Заводнинг қиймати $1 млрдга тенг, уни молиялаштириш ички манбалар ва хорижий кредитлар ҳисобига амалга оширилади. Бу ҳақида “УзЛИТИнефтегаз” ОАЖ бош директори вазифасини бажарувчи (“Ўзбекнефтегаз” МХК таркибидаги лойиҳа институти) Улугбек Саидов Тошкентда шу кунларда бўлиб ўтаётган Oil & Gas Uzbekistan 2014 халқаро конференцияси доирасида маълум қилди.
Унинг сўзларига кўра, завод қурилиши 2014 йил охирида бошланиши мумкин. Биринчи босқичда йилига 2 млн тонна сланецни қайта ишлаш қувватига эга мажмуа қуриш режалаштирилмоқда. Кейинчалик, завод қувватини йилига 8 млн тонна сланец рудасини қайта ишлаш ва 1 млн тонна нефть маҳсулотлари чиқаришга етадиган даражага етказиш кўзда тутилмоқда.
Ҳозирги пайтда холдинг сланецни қайта ишлаш технологиясини танлаш юзасидан тендер ўтказмоқда, унинг натижалари йилнинг биринчи ярмида кўриб чиқилади.
2012 йилнинг октябрида россиянинг “Институт Атомэнергопроект” унитар корхонаси “Ўзбекнефтегаз” учун “Сангрантов” конида сланецни қайта ишлаш қурилмасини яратиш лойиҳасини ишлаб чиқди. Холдинг ҳисоб-китобларига кўра, сланец билан боғлиқ лойиҳалар япониянинг Japan Oil, Gas & Metals National Corp (JOGMEC), эстониянинг Estia Oil ҳамда қатор хитой ва корейс компаниялари билан ҳам олиб борилмоқда.
Ўзбекистонда сланец рудаси заҳиралари 47 млрд тоннага баҳоланмоқда. Асосий конлар Қизилқум чўли ва Бойсун тоғларида жойлашган, деб ёзади нашр.