Ўзбекистон Солиқ қўмитаси 2015 йилги текширувлар режа-графикини эълон қилди
Тошкент. 2 апрел. ЎзТАГ - Ўзбекистон Республикаси Давлат солиқ қўмитаси ўз сайтида хўжалик субъектлари текширувларининг 2015 йилги режа-графикини эълон қилди, дея хабар қилади Ўзбек телеграф агентлиги (ЎзТАГ).
Айни пайтда солиқ тўловчилар ўзларининг корхоналари жорий йилда текшириладиган корхоналар рўйхатига кирган-кирмаганлигини олдиндан билиб олиши, текширув муддатларини аниқлаштириши ва бунда қайси назорат органлари иштирок этишини олдиндан аниқлашлари мумкин. Бунга доир маълумотларни Солиқ қўмитаси сайтидан юклаб олиш мумкин.
Эслатиб ўтамизки, хўжалик субъектларини текширув режа-графигидан кўчирмани Ягона нтерактив давлат хизматлари порталидан ҳам кўчириб олиш мумкин. Ушбу хизмат назорат қилувчи органлар томонидан ноқонуний текширувларнинг олдини олиш мақсадида ишлаб чиқилган.
