Ўзбекистон стандартларни ишлаб чиқиш бўйича халқаро тажрибани ўрганмоқда

Тошкент. 18 феврал. ЎзТАГ – “Ўзстандарт” агентлигида Герман Халқаро ҳамкорлик жамияти (GIZ) кўмагида техник регламентлар ишлаб чиқишда халқаро тажриба мавзусида семинар бўлиб ўтди, деб хабар беради Ўзбек телеграф агентлиги (ЎзТАГ).

Агентликдан хабар қилишларича, семинарда “Германия стандартлари институти” (DIN) томонидан таклиф этилган экспертлар Бернд Маскос (Bernd Maskos) ва Франк Шмидт (Frank Shmidt) маърузалари билан иштирок этдилар.

“Халқаро талаблар ва энг яхши амалиёт, стандартлар ва техник регламентлар ишлаб чиқишда давлат ва хусусий секторнинг диалоги механизми” мавзусида семинар якунлангач, унинг 50 иштирокчиларига сертификатлар топширилди.

Улар орасида стандартлаштириш сохасидаги вазирлик ва идоралар, техник комететларнинг мутахассислари бор. Семинар GIZ томонидан амалга оширилаётган ”Марказий Осиёда ҳудудий савдога кўмаклашиш” дастури доирасида ташкил этилди.

Тадбир доирасида олинган билимлар Ўзбекистон стандартлаштириш тизимида халқаро амалиётнинг қўлланилишига кўмаклашиши кутилмоқда.