Ўзбекистон тадбиркорлари орасида ўтказилаётган сўров ишбилармонлик муҳитининг тафсилотларини аниқлайди

Тошкент. 27 сентябр. ЎзТАГ – Ўзбекистон Республикаси Инвестициялар бўйича давлат қўмитаси 25 сентябрдан 5 октябргача Ўзбекистон тадбиркорлари орасида сўров ўтказмоқда, деб хабар беради Ўзбек телеграф агентлиги (ЎзТАГ).

Сўровдан кўзланган мақсад – республикадаги инвестиция муҳитининг ҳолатини аниқлаш, амалга оширилган тадбирлар ва инвестиция фаолияти соҳасидаги қонун ҳужжатлари талабларини амалга ошириш самарадорлигини аниқлашдан иборат.

Қўмитадан хабар беришларича, сўров натижалари мамлакатнинг инвестиция муҳитини яхшилаш бўйича чора-тадбирлар кўриш учун ҳукуматга тақдим этилади.

Сўровда рус тилида қатнашиш учун қуйидаги ҳаволага ўтиш керак:

https://goo.gl/forms/x62PZ3SVPlFNY5i92

Сўровда ўзбек тилида қатнашиш учун қуйидаги ҳаволага ўтиш керак:

https://goo.gl/forms/oFQwSdTqQvCVpKJH3

Ташкилотчилар сўровнинг барча натижалари аноним экани, ҳар бир кишининг фикри аҳамиятга эга эканлигини қайд этиб ўтишган.

Сурат манбаи: из https://www.om1.ru