Ўзбекистон такрорий экиндан етиштирилган 65 минг тонна атрофида маҳсулотни экспорт қилди
Тошкент. 22 ноябр. ЎзТАГ – Сентябр-октябр ойларида Ўзбекистон такрорий экиндан етиштирилган 65 минг тонна атрофида маҳсулотни экспорт қилди, бу эса ўтган йилнинг шу даврига нисбатан 1,4 баробар кўпдир, деб хабар беради Ўзбек телеграф агентлиги (ЎзТАГ).
“Жорий йилда қишлоқ хўжалиги маҳсулотларининг харидоргир турларини такрорий экиш майдонлари сезиларли даражада кенгайтирилди. Сентябр-октябр ойларида такрорий экиндан етиштирилган 65 минг тонна атрофида маҳсулотлар экспорт қилинди. Бу ўтган йилнинг шу даврига нисбатан 1,4 баробар кўпдир”, - дейилади Ўзбекистон Президенти матбуот хизматининг ички бозорларни қиш-баҳор мавсумида ҳам қишлоқ хўжалиги маҳсулотлари билан узлуксиз таъминлаш, уларни қайта ишлаш кўламини ошириш, озиқ-овқат маҳсулотлари ишлаб чиқариш, ҳўл мева-сабзавотлар экспортини кенгайтириш, шунингдек, полиз ва мева-сабзавот маҳсулотлари, картошка, узум харид қилиш бўйича 2018 йилга мўлжалланган давлат буюртмасини шакллантириш вазифалари ижросига бағишланган йиғилишга асосланган ҳолда.
Шундан кейин таъкидланишича, йил бошидан буён мева-сабзавот маҳсулотлари 54 мамлакатга экспорт қилинди. Бангладеш, Филиппин, Сурия, Тайван, Иордания, Македония ва бошқа мамлакатларда янги бозорлар ўзлаштирилди.
