Ўзбекистон терма жамоаси сузиш бўйича Осиё чемпионатида иккинчи ўринни эгаллади

Тошкент. 15 сентябр. ЎзТАГ – Ўзбекистон терма жамоаси сузиш бўйича Тошкентда бўлиб ўтган 2017 йилги Осиё чемпионатида 31 медални қўлга киритди ва умумжамоа ҳисобида иккинчи ўринни эгаллади, деб хабар беради Ўзбек телеграф агентлиги (ЎзТАГ).

Медаллар орасида 13 олтин, 7 кумуш ва 11 бронза медаллар бор. Ташкилотчиларнинг маълумотига кўра, биринчилик спортнинг сув турлари бўйича IX Осиё чемпионати доирасида бўлиб ўтди.

Ўзбекистон терма жамоаси аъзоси Ҳуршиджон Турсунов 50 метрга эркин усулда сузишда барча рақобатчиларидан ўзиб кетиб, Осиё чемпиони унвонига сазовор бўлди.

Ушбу масофада аёллар мусобақасида Наталья Критинина ва Алена Василевалар бронза медалларни қўлга киритдилар. Ушбу масофада эркаклар эстафетасида Ўзбекистон терма жамоаси биринчи ўринни эгаллади.

Баттерфляй усулида 200 метрга сузишда Артем Козлюк кумуш медални, 100 метрга чалқанча сузишда Одилбек Юсупов ва Мафтунабону Тўхтасиновалар шоҳсупанинг учинчи поғонасига кўтарилдилар.