Ўзбекистон термаси (U-16) “С” гуруҳида 1-ўринни эгаллаб, футбол бўйича Осиё чемпионатининг чорак финалига чиқди
Дата: 11:33, 12-09-2014.
Тошкент. 12 сентябр. ЎзТАГ – Футбол бўйича Ўзбекистон ўсмирлар терма жамоаси (U-16) Қувайт устидан 4:2 ҳисобида ғалаба қозониб “С” гуруҳида 1-ўринни эгаллади ва футбол бўйича Осиё чемпионатининг чорак финалига чиқди, дея хабар беради Ўзбек телеграф агентлиги (ЎзТАГ).
Мамлакат Футбол федерациясидан хабар беришларича, ўйиндаги тўплар Савелий Абрамов, Жонибек Кўчимов, Суҳроб Нуруллоев ва Худойберди Ҳолиқов томонидан киритилди.
Ўзбекистон термаси иштирокидаги чорак финал учрашуви 14 сентябр куни бўлиб ўтади. Эслатиб ўтамизки, футбол бўйича ўсмирлар ўртасида Осиё чемпионати 6-20 сентябр кунлари Бангкокда бўлиб ўтмоқда.
