Ўзбекистон термаси Яманни енгди
Тошкент. 21 сентябр. ЎзТАГ – Куни кеча футбол бўйича Ўзбекистон термаси Осиё чемпионати U-16 иккинчи тури доирасида Яманни енгди, деб хабар беради Ўзбек телеграф агентлиги (ЎзТАГ).
Футбол федерацияси маълумотларига кўра, ўзбек термасининг ғалаба қозониши осон бўлмади.
Ягона голни ўйиннинг 70-дақиқасида Асадбек Собиржонов киритди.
Ўйин тошкент вақти билан соат 15:30да бошланди ва “SPORT” спорт телеканали ўйинни тўғрида тўғри трансляция қилди.
Шундай қилиб, 2 тур якунлари бўйича Ўзбекистон термаси ҳисобида 6 очко бор.