Ўзбекистон термасининг 23 футболчисидан 14таси миллий чемпионатда қатнашади

Тошкент. 14 январ. ЎзТАГ – Ўзбекистон термасининг 2015 йилги Осиё Кубогида қатнашган 23 футболчисидан 14таси миллий чемпионатда қатнашади, дея хабар беради Ўзбек телеграф агентлиги (ЎзТАГ)

Хусусан, уч дарвозабон - Игнатий Нестеров («Локомотив»), Элдор Суюнов («Насаф») ва Акбар Тўраев (“Бунёдкор”) миллий чемпионатда иштирок этмоқда. Яна хужумчилар Воҳид Шодиев (“Бунёдкор”), Игорь Сергеев (“Пахтакор”), ҳимоячилар Ислом Тўхтахўжаев (“Локомотив”), Егор Кримец (“Пахтакор”) ва Акмаль Шораҳмедов (“Бунёдкор”), 6 яримҳимоячи - Жамшид Искандаров (“Пахтакор”), Лутфулла Тўраев (“Локомотив”), Фаррух Сайфиев (“Бунёдкор”), Жасур Ҳасанов (“Локомотив”), Сардор Рашидов (Бунёдкор”) ва Шуҳрат Муҳаммадиевлар (“Насаф”) ҳам ўзбекистон миллий биринчилигида қатнашадилар.

Легионерлардан миллий термада хужумчи Баҳодир Насимов (“Падидех”, Эрон), ҳимоячилар Шавкат Муллажонов (“Ал Наср”, Саудия Арабистони), Анзур Исмоилов (“Чаньчунь Ятай”, Хитой) ва Виталий Денисов (“Локомотив”, Москва) иштирок этмоқда.

Лекин легионерларнинг кўпчилиги майдон ўртасида ўйнайди. Булар яримҳимоячилар Одил Аҳмедов (“Краснодар”, Россия), Сервер Жепаров (“Соннам Илхва Чхонма”, Корея Республикаси), Тимур Кападзе (“Актобе”, Қозоғистон), Санжар Турсунов (“Ворскла”, Украина) ва Азиз Хайдаров (“Ал-Шабаб”, БАА).