Ўзбекистон ТИВ раҳбари Сулеймон Демирел вафоти муносабати билан таъзия билдирди

Тошкент. 19 июн. ЎзТАГ – Куни-кеча Ўзбекистон Республикаси Ташқи ишлар вазири Абдулазиз Камилов Туркия Республикасининг Тошкент шаҳридаги Элчихонасига ташриф буюрди ва бу ерда Туркиянинг собиқ президенти ва бош вазири Сулаймон Демирелнинг вафоти муносабати билан таъзия билдирди ва Ҳамдардлик китобига қайд киритди, деб хабар беради Ўзбек телеграф агентлиги (ЎзТАГ).

ТИВ хабар беришларича, элчи Намик Гунер Эрпул президент И.А.Каримовнинг Туркия президенти Ражаб Таййиб Эрдўған номига йўллаган мактубидаги далда ва ҳамдардлик сўзлари учун ўзининг самимий миннатдорчилигини изҳор этди.

Эслатиб ўтамизки, Сулеймон Демирел 17 июн куни эрталаб Анқарадаги касалхонада вафот этди. Сиёсатчининг ёши 90 эди.

У давлат раҳбари лавозимини 1993-2000 йилларда эгаллаб келган. Бунга қадар 1965-1993 йилларда беш марта Туркия бош вазири этиб тайинланган. 1971 ва 1980 йилларда ҳарбий қўғолонлар натижасида ҳокимиятдан четлатилган. Турли йилларда икки сиёсий партияларни бошқарган.

Шунингдек, Демирел қатор иқтисодий ислоҳотларнинг муаллифи бўлиб, сиёсатга қирқ йилдан зиёд умрини бағишлаган.