Ўзбекистон ТИВ Санкт-Петербургдаги ёнғинда 7 ўзбекистонлик ҳалок бўлганини тасдиқлади
Тошкент. 14 июл. ЎзТАГ – Ўзбекистон Ташқи ишлар вазирлигида (ТИВ) Санкт-Петербургдаги ёнғинда 7 ўзбекистонлик ҳалок бўлганини тасдиқлашди, деб хабар беради Ўзбек телеграф агентлиги (ЎзТАГ) муассаса маълумотига асосланган ҳолда.
“13 июл куни ёнғин сабаблари ва ҳалок бўлганларнинг шахсини аниқлаш учун Колпино шаҳрига (Санкт-Петербург шаҳри таркибига киради) борган Ўзбекистон элчихонаси ходимлари Санкт-Петербург шаҳри Ташқи алоқалар қўмитаси маълумотига асосланиб, 7 нафар Ўзбекистон фуқаросининг ҳалок бўлганини тасдиқлади”, - дейилади жума кунги хабарда.
Таъкидланишича, Россиянинг ваколатли органлари томонидан суд-тиббий экпертизаси ўтказиш белгиланган.
Элчихона Санкт-Петербург ва Колпино шаҳарларининг тегишли идоралари билан доимий алоқада бўлиб тургани ҳам айтиб ўтилган.
“Ҳалок бўлган Ўзбекистон фуқаролари тўғрисидаги маълумот уларнинг оила-аъзоларини ҳабарбор қилиш мақсадида Ўзбекистон Ички ишлар вазирлиги бўлинмалари ва Хоразм вилояти ҳокимлигига етказилди”, - деб хулоса қилинади хабарда.
ОАВ маълумотларига кўра, 2017 йил 13 июлда Колпино шаҳридаги майдони 600 кв. м.ни ташкил этган металл ангарда ёнғин келиб чиққан. Ўт ўчирувчилар ёнғин қолдиқлари орасидан 7 нафар кишининг жасадларини олиб чиқишди. Уларнинг Ўзбекистон фуқароси эканлиги тасдиқланди.
Ҳалок бўлганлар рўйхати:
1. Хусинов Рўзмат Қурбонбоевич, 1967 йил 1 январда туғилган, Хоразм вилояти Янгиариқ тумани, “Таган” ҚФЙда рўйхатда туради;
2. Хусинов Сирож Рўзматович, 1991 йил 16 октябрьда туғилган, Хоразм вилояти Янгиариқ тумани, “Таган” ҚФЙда рўйхатда туради;
3. Отаниёзов Зоир Аминович, 1973 йил 2 ноябрьда туғилган, Хоразм вилояти Янгиариқ тумани, “Таган” ҚФЙда рўйхатда туради;
4. Бойжанов Илёс Қадамбоевич, 1988 йил 10 ноябрьда туғилган, Хоразм вилояти Янгиариқ тумани “Таган” ҚФЙда рўйхатда туради;
5. Султонов Юнус Қуранбоевич, 1981 йил 21 апрелда туғилган, Хоразм вилояти Янгиариқ тумани “Таган” ҚФЙда рўйхатда туради;
6. Атаков Ўткирбек Ўктамбоевич, 1989 йил 19 апрелда туғилган, Хоразм вилояти Янгиариқ тумани “Гулобод” ҚФЙда рўйхатда туради;
7. Қурамбоев Шохзод Хушнудбек ўғли, 1997 йил 3 ноябрьда туғилган, Хоразм вилояти Янгиариқ тумани “Таган” ҚФЙда рўйхатда туради.
