Ўзбекистон ТИВда Покистан ва Фиджи элчилари билан учрашувлар бўлиб ўтди
Тошкент. 18 феврал. ЎзТАГ – 17 феврал куни Ўзбекистон Республикаси Ташқи ишлар вазирлигида Покистон ва Фиджи элчилари билан учрашувлар бўлиб ўтди, дея хабар беради Ўзбек телеграф агентлиги (ЎзТАГ).
Бунга доир маълумотлар ўзбек ташқи сиёсий муассаси сайтида мавжуд.
Хусусан, Ўзбекистон Республикаси Ташқи ишлар вазири Абдулазиз Камилов Покистон Ислом Республикасининг Фавқулодда ва Мухтор Элчиси Риаз Ҳусаин Бухорий билан учрашди.
Суҳбат чоғида турли соҳалардаги Ўзбекистон-Покистон ўзаро алоқаларининг ҳозирги ҳолати ва янада ривожлантириш истиқболлари, 2015-йилги икки томон учрашувлари жадвали, жумладан ҳамкорликнинг қўшма институтлари навбатдаги йиғилишлари муҳокама қилинди.
Бундан ташқари, Абдулазиз Камиловнинг Фиджи Республикасининг янгидан тайинланган Фавқулодда ва Мухтор Элчиси (қароргоҳи Сеул шаҳрида) Филимон Кауни қабул қилди.
Фижининг мамлакатимиздаги биринчи Элчиси Ўзбекистон Республикаси Президенти номига йўлланган ишонч ёрлиқларини топширди.
Суҳбат давомида икки ва кўп томонлама шакллардаги ҳамкорлик масалалари ҳамда муносабатларнинг шартномавий-ҳуқуқий асослари юзасидан фикр алмашилди.
Учрашувда айрим халқаро муаммолар ҳам муҳокама қилинди.
