ЎзТАГ
Ўзбек телеграф агентлиги

Тошкент, 17:24 | 24 декабр

Ўзбекистон ТИВда Қувайт делегациясининг ИҲТ ТИВК Тошкентдаги сессиясидаги иштироки муҳокама қилинди

Дата: 20:28, 12-10-2016.

Тошкент. 12 октябр. ЎзТАГ – Ўзбекистон Республикаси Ташқи ишлар вазири Абдулазиз Камилов Қувайт Давлатининг Фавқулодда ва Мухтор Элчиси Аҳмад Холид Абдулла ал-Жийранни қабул қилди, деб хабар беради ТИВ матбуот хизмати.

“Мулоқот давомида икки ва кўп томонлама шакллардаги, жумладан Ислом ҳамкорлик ташкилоти, БМТ ва бошқа халқаро тузулмалар доирасидаги Ўзбекистон-Қувайт ҳамкорлигининг долзарб масалалари муҳокама қилинди”, - деб таъкидланади хабарда.

Шунингдек, Ўзбекистон ва Қувайт вакилларининг ўзаро ташрифлари жадвали юзасидан ҳам фикр алмашилди.

Таъкидланишича, учрашувда Тошкент шаҳрида бўлиб ўтадиган ИҲТ Ташқи ишлар вазирлари кенгашининг 43-сессиясида Қувайт нуфузли делегацияси иштирокининг амалий жиҳатларига алоҳида эътибор қаратилди.

Эслатиб ўтамизки, ИҲТ ТИВК Тошкентдаги сессияси жорий йилнинг 18-19 октябрида бўлиб ўтади.

Янгилик билан ўртоқлашиш:

Мавзу бўйича ҳаволалар

Ўзбекистонликлар сув учун 411 млрд сўмдан ортиқ қарз бўлди ЮНФПАнинг Ўзбекистондаги янги раҳбари Ю Ю бўлди Франция муносиб равишда икки карра жаҳон чемпиони бўлди