Ўзбекистон цемент заводлари маҳсулот нархини тоннасига 500 минг сўм даражасида чекладилар

Тошкент. 30 январ. ЎзТАГ – Ўзбекистоннинг цемент ишлаб чиқарувчи корхоналари “Қизилқумцемент” АЖ ва “Бекободцемент” АЖ цементнинг 1 тоннаси 500 минг сўмгача бўлган нархларда (430-490 минг сўм/тн сотилиш жойидан келиб чиққан ҳолда) аҳоли учун цемент маҳсулотини сотишни ташкил қилдилар, деб хабар беради Ўзбек телеграф агентлиги (ЎзТАГ).

Бу ҳақида “Ўзқурилишматериаллари” АЖ матбуот хизмати хабар бермоқда.

Ҳозирги кунда республиканинг барча йирик шахар ва туманларида аҳолига цемент маҳсулотини сотиш савдо жойлари ташкил этилмоқда.

“Ушбу чора-тадбирлар республика бозорларида спекулятив тарзда нархларга аралашувга чек қўйиш мақсадида, ҳамда мамлакатимиз аҳолисини арзон нархларда сифатли цемент маҳсулоти билан таъминлашга қаратилган”, - деб таъктидланади хабарда.

Сурат манбаи: https://ua.all.biz/pc-iib-400kramatorskij-evro-cementpc500-balakleya-g1469379