Ўзбекистон ҳудудларида сайлов бўлинмалари очилмоқда

Тошкент. 17 октябр. ЎзТАГ – Ўзбекистон ҳудудларида округ сайлов комиссиялари сайлов бўлинмаларини очмоқдалар, дея хабар беради Ўзбек телеграф агентлиги (ЎзТАГ) Марказий сайлов комиссиясига (МСК) асосланган ҳолда.

“Ўзбекистон Республикаси Олий мажлисига сайловлар тўғрисида”, “Халқ депутатлари вилоят, туман ва шаҳар кенгашларига сайловлар тўғрисида”ги қонунларга мувофиқ, округ сайлов комиссиясига 24 сайлов бўлимларини ташкил қилиш ҳақида тақдимотнома киритдим”, - деб қайд этди Гулистон шаҳар сайлов комиссияси раиси Хасан Ўрмонов.

Шунингдек, у “бўлинмалар асосан умумтаълим мактаблари ва касб-ҳунар коллежлари биноларида жойлашади”, - деб қўшимча қилди.

“Сайловчилар сони 250 минг кишидан ошиқни ташкил этувчи Тошкент вилоятининг Зангиота тумани ҳудудида 92 сайлов бўлимлари ташкил этилади”, - деди туман сайлов комиссияси раиси Акбар Мадумаров.

“Барча бўлимлар сайловни қонунга мувофиқ ўтказиш учун тегишли ускуналар, шунингдек, компьютер, телефон, факс ва бошқа зарур техникалар билан жиҳозланади”, - деб қўшимча қилди у.

Эслатиб ўтамизки, 2014 йилга сайловларга тайёргарлик ва ўтказиш амалдаги қонунчилик талабларига тўлиқ мос ҳолда амалга оширилмоқда.