Ўзбекистон ҳукумат делегацияси Душанбеда музокаралар ўтказади
Дата: 09:58, 20-06-2017.
Тошкент. 20 июн. ЎзТАГ – Ўзбекистон Республикаси Бош вазири ўринбосари Улуғбек Розукулов бошчилигидаги делегация 20-июн куни Ўзбекистон-Тожикистон музокараларини ўтказиш учун Душанбе шаҳрига ташриф буюради, деб хабар беради Ўзбек телеграф агентлиги (ЎзТАГ).
“Икки кунлик ташриф чоғида аниқ келишувларга эришиш мақсадида савдо-иқтисодий, инвестицион ва бошқа соҳалардаги, жумладан Ўзбекистон ва Тожикистон ишбилармон доиралари вакиллари иштирокида бўлиб ўтадиган бизнес-форум якунларига кўра ҳамкорликни кенгайтиришнинг амалий масалаларини муҳокама қилиш режалаштирилган”, - деб таъкидлашди ТИВ матбуот хизматида.
