Ўзбекистон ҳукумати автотранспортга газобаллон ускуналарини ўрнатиш ишини тартибга солмоқчи
Тошкент. 17 ноябр. ЎзТАГ – Ўзбекистон ҳукумати автотранспортга газобаллон ускуналарини ўрнатиш ишини тартибга солмоқчи, деб хабар беради Ўзбек телеграф агентлиги (ЎзТАГ).
Бу Ўзбекистон Вазирлар Маҳкамасининг 11 ноябрдаги қарори билан кўзда тутилган бўлиб, унга мувофиқ, Сиқилган табиий газ (СТГ) ҳамда суюлтирилган нефть газида (СНГ), ёхуд дизель ва газсимон ёқилғи аралашмасида ишлайдиган машиналарнинг умумий техник хавфсизлик регламентига ўзгартишлар киритилди.
Регламентда газ ускуналари ўрнатиш билан шуғулланувчи ташкилотларга қўйиладиган талаблар аниқ белгилаб берилиб, газобаллон ускуналарини ўрнатиш тартиби, уни текширувдан ва синовдан ўтказиш, СТГ ва СНГ тизимларини ўрнатиш хавфсизлигига талаблар, шунингдек, газобаллон ускунали автомобилларни синаш масалалари бошқа ҳолатлар белгилаб берилди.
Умумий техник регламент ярим йилдан сўнг амалга киритилади ва M (йўловчи ва юк ташувчи-йўловчи) ва N (юк ташувчи) категориялардаги автомобилларнинг уларни ишлаб чиқариш ва қайта жиҳозлаш, фойдаланиш бўйича хавфсизлик талаблари яна кучайтирилади. Тартиблар Ўзбекистон ҳудудида қўлланишга мажбурийдир.
