ЎзТАГ
Ўзбек телеграф агентлиги

Ўзбекистон ҳукумати “KQB Bunyodkor” МЧЖга имтиёзлар берди

Дата: 17:27, 27-10-2014.

Тошкент. 27 октябр. ЎзТАГ – Ўзбекистон ҳукумати Тошкентдаги “Бунёдкор” стадиони капитал қурилиш бўлимига (“KQB Bunyodkor” МЧЖ) имтиёзлар берди, дея хабар беради Ўзбек телеграф агентлиги (ЎзТАГ).

Бунга доир маълумот Norma.uz сайтида жойлаштирилган.

Хужжатга мувофиқ, “KQB Bunyodkor” МЧЖ 2015 йил 1 июнга қадар стадионларни реконструкция қилиш ва футбол клублари моддий-техник базасини мустаҳкамлаш учун зарур бўлган республикада ишлаб чиқарилмайдиган инвентарь, ускуна ва материалларни олиб келишда божхона тўловларидан озод қилинди. Шу билан бирга, МЧЖ барча турдаги солиқ ва йиғимлардан ҳам (ижтимоий тўловдан ташқари) озод қилинди.

Эслатиб ўтамизки, шундай имтиёзлар профессионал футбол клублари, Ўзбекистон Футбол федерацияси ва унинг ҳудудий бўлинмаларига ҳам берилган.

Янгилик билан ўртоқлашиш:

Мавзу бўйича ҳаволалар

Ўзбекистонликлар сув учун 411 млрд сўмдан ортиқ қарз бўлди ЮНФПАнинг Ўзбекистондаги янги раҳбари Ю Ю бўлди Франция муносиб равишда икки карра жаҳон чемпиони бўлди