Ўзбекистон ҳукумати тадбиркорлар учун экспорт тартибларини енгиллаштирди
Тошкент. 31 июл. ЎзТАГ – Ўзбекистон ҳукумати тадбиркорлар учун илгари фойдаланишда бўлган машиналар, ускуна ва механизмлар экспорти тартибларини енгиллаштирди, дея хабар беради Ўзбек телеграф агентлиги (ЎзТАГ).
Бу тўғрисидаги ҳукуматнинг 2014 йил 17 июлдаги 2213 сонли қарорига асосланган маълумот Norma.uz сайтида жойлаштирилган.
Эндиликда тадбиркорлар илгари фойдаланишда бўлган машиналар, ускуна ва механизмларни ҳукумат қарорига асосан улар бутунлай эскирган бўлса ҳам ёки улар сотиб олинган санадан 5 йил ўтган бўлса ҳам экспорт қилишлари мумкин.
Эслатиб ўтамизки, илгари 2005 йилинг 1 мартидан бошлаб, бундай экспорт фақат ҳукумат қарорига мувофиқ, тегишли вазирлик ваколатли органи - “Ўзбекэкспертиза”нинг хулосасига асосан амалга оширилар эди.
Истисно тариқасида фақат низом жамғармасида давлат улуши бўлмаган юридик шахсларгина ҳукумат қарорисиз юқоридаги ускуналарни экспорт қилишлари мумкин, дейилади хужжатда.
