Ўзбекистон ҳукумати янгидан сайланган парламент олдида ваколатларини соқит қилди
Тошкент. 23 январ. ЎзТАГ – Жума куни Ўзбекистон ҳукумати республика Олий Мажлисининг (парламент) қўшма мажлисида янгидан сайланган парламент олдида ваколатларини соқит қилди, дея хабар қилди Қозоқ телеграф агентлигига (КазТАГ) парламент вакили.
“Ўзбекистон бош вазири Шавкат Мирзиёев Олий Мажлисга вазирлар маҳкамасининг янгидан сайланган парламент олдида ваколатларини соқит қилгани ҳақида ариза билан мурожаат қилди”, - деб аниқлаштирди ҳамсуҳбат КазТАГ мухбирига.
Олий Мажлис унинг илтимосини қондирди ва ҳукуматдан ҳукуматнинг янги таркиби сайлангунга қадар ўз вазифасини бажариб туришини илтимос қилди. Қўшма мажлис давомида парламент янги бош вазир номзодини кўриб чиқади. Бош вазир номзоди қонунчилик палатаси ва сенат аъзоларининг ярмидан кўпи уни ёқлаб овоз берган ҳолда тасдиқланган ҳисобланади. Вазирлар маҳкамаси аъзолари бош вазир тавсиясига биноан Ўзбекистон президенти томонидан тасдиқланади.
Мамлакат Конституциясига асосан, бош вазири номзоди Олий Мажлиснинг Қонунчилик палатасига (қуйи палата) сайловда энг кўп депутатлик ўринларини олган сиёсий партия ёки тенг миқдордаги энг кўп депутатлик ўринларини қўлга киритган бир неча сиёсий партия томонидан таклиф қилинади. 2014 йил 21 декабрида бўлиб ўтган парламент сайловларида “ЎзЛиДеП” 53 депутатлик ўрнини қўлга киритиб, бош вазир номзодини кўрсатиш ҳуқуқини сақлаб қолди. Олдинроқ “ЎзЛиДеП” яна Шавкат Мирзиёев номзодини бош вазир лавозимига тавсия қилган эди.
