Ўзбекистон қуёш ФЭСни ривожлантириш учун $100 млн жалб қилмоқчи

Тошкент. 3 октябрь. ЎзТАГ – Ўзбекистон қуёш фотоэлектр станцияларини ривожлантириш учун $100 млн жалб қилмоқчи, деб хабар беради Ўзбек телеграф агентлиги (ЎзТАГ).

Ўзбекистон энергетика вазирлигида 30 сентябрь куни Саудия Арабистони делегацияси, жумладан, «GSS MEA Ltd» ва «Advanced Inspection Services Cooperation» компаниялари вакиллари билан музокаралар ўтказилди.

Қайд этилганидек, томонлар энергетика соҳасида мамлакатлар ўртасидаги потенциал ҳамкорликни муҳокама қилдилар. Хусусан, Ўзбекистонда энергетика лойиҳаларини амалга ошириш учун компаниялар томонидан инвестицияларни жалб қилиш масалалари.

"Ўзбекистонда Навоий вилоятида давлат-хусусий шериклик шартлари асосида умумий қуввати 100 МВт бўлган қуёш ФЭСини қуриш учун хусусий шерик танлаш бўйича ўтказилаётган танлов савдолари ҳақида маълумот алоҳида қизиқиш уйғотди. Ушбу лойиҳа Ўзбекистонда қуёш ФЭСни ривожлантиришга $100 млнгача инвестицияларни жалб этишга қаратилган", - дея қайд этилади Энергетика вазирлиги матбуот хизмати хабарида.

Сурат манбаи: minenergy.uz