Ўзбекистон ва Беларусь “Северсталь” автолистининг ишлаб чиқарилишини рағбатлантирмоқда
Тошкент. 28 июл. ЎзТАГ – Ўзбекистон ва Беларусь “Северсталь” автолистининг ишлаб чиқарилишини рағбатлантирмоқда, деб ёзади РБК.
“2017 йилнинг 6 ойида жами 220 минг тонна металлмаҳсулотлари юкланди. Россия автозаводлари, шунингдек, РФда ишлаб чиқаришга эга бўлган хорижий автомобиль компанияларига ўтган муддатда 163 минг тонна металлмаҳсулотлари етказилди, бу ўтган йилги кўрсаткичга тенг. Бошқача айтганда россия автозаводларида ишлаб чиқаришнинг ўсиши қайд этилмади. Айни пайтда Европа бизнеси ассоциацияси (АЕБ) 4-ой давомида Россияда енгил автомобил ва LSVлар сотуви ўсганини қайд этмоқда. Июнда сотувлар 15% ёки 141 минг машинагача ўсган”, - дейилади хабарда.
Таъкидланишича, “Северсталь” автолисти етказиб берилишининг ўсиши асосан Ўзбекистон ва Беларусь истеъмолчилар ҳисобига амалга ошган. МДҲ мамлакатлари авто ишлаб чиқарувчиларига 57 минг тонна маҳсулот етказиб берилган, бу эса ўтган йил муқобил давридагига қараганда деярли 2 баравар (98%) ўсиш деганидир, деб таъкидлайди “Северсталь” матбуот хизмати.
Аниқлаштирилишича, компания маҳсулот етказиб беришнинг ўсишини “ДжиЭм Узбекистан”да ишлаб чиқаришнинг тикланиши ва “Северсталь”нинг “БЕЛАЗ” ва “Минск автомобиль заводи” ширкатларига маҳсулот етказиб бериш ҳажмлари ўсиши билан боғлиқ.
“Северсталь” матбуот хизмати биринчи ярим йилда энг кўп металлмаҳсулоти етказиб берилган компаниялар орасида “КамАЗ”, “Группа ГАЗ”, Renault-Nissan Альянси, Volkswagen Group Rus, Hyundai-Kia, Mefro Wheels, PSA Peugeot Citroën кабиларни санаб ўтган.
