Ўзбекистон ва Буюк Британиянинг товар айланмаси $105,7 млнни ташкил қилди
Тошкент. 7 апрел. ЎзТАГ – 2015 йилда Ўзбекистон ва Буюк Британиянинг товар айланмаси $105,7 млнни ташкил қилди, деб хабар беради Ўзбек телеграф агентлиги (ЎзТАГ).
“2015 йилда Ўзбекистон ва Буюк Британиянинг ўртасидаги ўзаро товар айланмаси $105,7 млнни ташкил қилди. Бунда ўзбек экспорти ҳажми $32,8 млнни, импорт эса $72,9 млнни ташкил этди”, - деб хабар беришди Буюк Британиянинг Ўзбекистондаги элчихонасидан.
1994 йилда ташкил этилган Ўзбек-британ савдо ва саноат кенгаши ҳам иккитомонлама савдо муносабатларининг ривожига самарали таъсир қилаётгани ҳам таъкидлаб ўтилди. Кенгашнинг Лондонда 2015 йил ноябрда бўлиб ўтган навбатдаги йиғилиши натижасида савдо ва иқтисоидёт соҳасида қатор лойиҳаларни амалга оширишга келишиб олинди.
Эслатиб ўтамизки, 5 апрелдан Ўзбекистонда Буюк Британия ва Шимолий Ирландия Қўшма Қироллигининг ташқи ишлар ва ҳамдўстлик ишлари бўйича вазири ўринбосари Тобиас Эллвуднинг мамлакатга ташрифи бошланди. Қатор вазирлик ва муассасаларда бўлиб ўтган учрашувларда савдо-иқтисодий ҳамкорлик, минтақавий хавфсизлик ва бошқа масалалар муҳокама қилинди.
