Ўзбекистон ва Қирғизистон термалари ўртасидаги ўртоқлик ўйини бекор қилинди
Тошкент. 23 май. ЎзТАГ – 2 июнга режалаштирилган Ўзбекистон ва Қирғизистон термалари ўртасидаги ўртоқлик ўйин бекор қилинди, деб хабар беради Ўзбек телеграф агентлиги (ЎзТАГ) маҳаллий ОАВ асосланган ҳолда.
Қирғизистон Футбол федерацияси маълумотларига кўра, ўйин Ўзбекистон Футбол федерацияси (ЎФФ) ташаббуси билан бекор қилинган.
ЎФФ сайтидаги маълумотга кўра, Ўзбекистон ва Қирғизистон термалари ўртасидаги ўртоқлик ўйини бекор қилинишига Ўзбекистон миллий терма жамоасининг режаларига ўзгартиришлар киритилгани сабаб бўлган. Бошқа сабаблар очиқланмаган.
“Газета.uz” маълумотларига кўра, ҳозирда 2018 йилги Жаҳон чемпионати саралаш учинчи босқичга тайёргарлик доирасида Қирғизистон ўрнига бошқа жамоа билан Тошкентда ўйин ўтказиш учун музокаралар олиб борилмоқда.
7 июнга Ўзбекистон ва Канада термалари ўртасида Австрияда ўйин ўтказиш режалаштирилган. Бу ерда Самвел Бабаян шогирдлари йиғинда бўладилар.
Эслатиб ўтамизки, Ўзбекистон ва Қирғизистон термалари ўзаро беш марта учрашганлар. Ҳисоб ўзбекистонликлар фойдасига 22:2.
