Ўзбекистон ва Хитой 2014-2018 йилларга мўлжалланган стратегик ҳамкорлик дастурини қабул қилдилар
Тошкент. 20 август. ЎзТАГ – Ўзбекистон ва Хитой 2014-2018 йилларга мўлжалланган стратегик ҳамкорлик дастурини қабул қилдилар, деб хабар қилади Қозоқ телеграф агентлиги (КазТАГ) Ўзбекистон раҳбари матбуот хизматига асосланган ҳолда.
Хужжат Ўзбекистон Президенти Ислом Каримовнинг 19-20 август кунлари ХХР қилган расмий ташрифи доирасида имзоланди.
Музокаралар якунлари бўйича Ислом Каримов ва Си Цзиньпин Ўзбекистон Республикаси билан Хитой Халқ Республикаси ўртасидаги Қўшма декларацияни имзоладилар. Шунингдек, мамлакатлар ўртасида техникавий-иқтисодий, энергетика, юқори технологиялар, банк-молия каби соҳалардаги ҳамкорликни янада ривожлантиришга қаратилган қатор ҳужжатлар ҳам имзоланди, деб аниқлаштиради президент матбуот хизмати.
Хитой Ўзбекистоннинг энг йирик савдо-иқтисодий ва сармоявий шерикларидан биридир. Хусусан, сўнгги олти йилда икки мамлакат ўртасидаги товар айирбошлаш ҳажми қарийб 6 баробар ошди ва 2013 йилда 5,2 миллиард АҚШ долларини ташкил этди.
Ўзбекистонда Хитой сармояси иштирокида тузилган 482 корхона фаолият юритмоқда. Уларнинг 70дан зиёди тўлалигича Хитой инвестициялари ҳисобига ташкил этилган. Ўзбекистонда Хитойнинг 74 компанияси ўз ваколатхонасини очган.
