Ўзбекистон ва Хитой Буюк Ипак йўли ҳақида тарихий фильм суратга олади
Тошкент. 24 октябр. ЎзТАГ – Яқин орада Ўзбекистон ва Хитой костюмли тарихий мелодрамани суратга олишни бошлашни режалаштирмоқдалар, деб хабар беради Ўзбек телеграф агентлиги (ЎзТАГ).
“Яқин орада томонлар картина сценарийсини келишиб, актёрлар танлашга киришишлари кутилмоқда. Фильм биргаликда олинади. Тарихий мелодрама Буюк Ипак йўлида содир бўлган воқеаларга асосланган бўлиб, бунда бир оиланинг тарихини бугунда оммабоп бўлган турли тарихий даврлар ва ҳодисалар кесимида суратга олиш режалаштирилган”, -деб таъкидлашди “Ўзбеккино” Миллий агентлигида.
Фильмни суратга олиш ишлари хитойнинг “Бир камар – бир йўл” ташаббуси доирасида ўтказилмоқда. Томонлар лойиҳага икки мамлакатнинг етакчи актёрлари жалб қилишлари мумкин. Фильм премераси Хитой ва Ўзбекистонда бир вақтнинг ўзида ўтказилади.
