Ўзбекистон ва Хитой давлат раҳбарларининг сентябр келишувларини амалга ошириш масалалари муҳокама қилинди
Тошкент. 11 сентябр. ЎзТАГ – Куни-кеча Ўзбекистон Республикаси Ташқи ишлар вазирлигида Хитой Халқ Республикасининг Фавқулодда ва Мухтор Элчиси Сун Литсзе билан учрашув бўлиб ўтди, деб хабар беради Ўзбек телеграф агентлиги (ЎзТАГ).
ТИВдан хабар қилишларича, томонлар Ўзбекистон Республикаси президенти Ислом Каримовнинг 2-3-сентябр кунлари ХХРга ташрифи ва Хитой раҳбарияти билан музокаралар чоғида эришилган келишувларни амалга оширишнинг амалий жиҳатлари муҳокама қилганлар.
Эслатиб ўтамизки, Хитой – Ўзбекистон энг йирик савдо иқтисодий ва инвестицион ҳакорларидан биридир. 2014 йилда мамлакатларнинг ўзаро товар айланмаси ҳажми $4,7 млрдга етди.
Ўзбекистонда хитойлик тадбиркорлар билан биргаликда ташкил қилинган 582 корхона мавжуд, улардан 80 ошиғи тўлик Хитой сармоясига очилган. Республикада 70 зиёд хитой компанияларининг ваколатхоналари мавжуд.
2013 йилда “Жиззах” махсус саноат ҳудуди юқори технологиялар парки очилди. Ҳозир бу ерда мобил телефонлар, тикув машиналари, қурилиш материаллари, қуёш коллекторлари ва бошқа талабгир маҳсулотлар ишлаб чиқариш йўлга қўйилган.
Хитойнинг “China Railway Tunnel Group” компанияси билан бирга Ангрен-Поп темир йўли қурилиши олиб борилмоқда. Ушбу йўл Ўзбекистон ва Хитой ўртасида энг қисқа темир йўл магистралининг муҳим қисми бўлади.
