Ўзбекистон ва Хитой ХХРга ўзбек текстилини олиб киришга божхона божлари масаласини муҳокама қилдилар
Тошкент. 3 июл. ЎзТАГ – Ўзбекистон ва Хитой ХХРга ўзбек текстилини олиб киришга божхона божлари масаласини муҳокама қилдилар, деб хабар беради Ўзбек телеграф агентлиги (ЎзТАГ).
“Учрашувда ўзбек ва хитой тўқимачилик уюшмалари, йирик тўқимачилик компаниялари ўртасидаги ҳамкорликни ривожлантириш, Ўзбекистон Республикасида Хитой компаниялари инвестиция фаолиятини кенгайтириш, хусусан, мамлакат ўртасида товар айланмасини ошириш, Хитойга ўзбек тўқимачилик маҳсулотларини олиб кириш божхона божларини оптималлаштириш масалалари муҳокама қилинди” – дейилади “Ўзтекстилсаноат” уюшмасининг матбуот хизмати хабарида.
Томонлар тарафидан Ўзбекистонда амалга оширилаётган ислоҳотлар натижасида Ўзбекистон тўқимачилик саноатига Хитой инвестициялари оқимининг ортиши кузатилаётгани, унинг миқдори $ 200 млнга етгани таъкидлади.
Шунингдек, Хитой томонига Jinsheng group, Nanyang Mulanhua, Marjan Investment Group ва бошқа Хитой компаниялари иштирокида муваффақиятли амалга оширилган ва амалга оширилаётган лойиҳалар ҳақида маълумот тақдим этилди.
Таъкидланишича, Хитой ҳукуматининг тўқимачилик, тикувчилик ва трикотаж саноати ёш мутахассисларини тайёрлаш ва малакасини оширишга қаратилган техник ёрдам дастурини ривожлантиришга алоҳида урғу берилди. 2018 йил январ-июн ойлари мобайнида тармоқнинг 15 нафар мутахассислари мазкур дастур доирасида ХХРнинг турли ҳудудларида малака оширдилар.
Бундан ташқари, Хитой томони Ўзбекистон тўқимачилик саноати вакилларини 2018 йил ноябрда бўлиб ўтадиган бўлажак Expo China 2018 халқаро кўргазмасида иштирок этишга таклиф қилди.
Ўз навбатида, уюшма Хитой компанияларини тўқимачилик ва мода саноатининг Тошкентда 4-7 сентябрда бўлиб ўтадиган UzTextile Expo 2018 Халқаро кўргазмаси ва Uzbekistan Textile Conference Халқаро конференциясида иштирок этиш учун таклиф қилди.
Эслатиб ўтамизки, Хитой Халқ Республикасининг Фавқулодда ва Мухтор Элчиси Цзянь Янь хоним билан учрашув 15 июнда ташкил этилди.
Сурат манбаи: https://korrespondent.uz/2088
