Ўзбекистон ва Кипр ўртасида Жиноятчиликка қарши курашда ҳамкорлик қилиш тўғрисида битим кучга кирди
Дата: 16:50, 27-02-2015.
Тошкент. 27 феврал. ЎзТАГ – Бугун давлат ички тартибларининг бажарилганидан сўнг Ўзбекистон Республикаси Ҳукумати билан Кипр Республикаси Ҳукумати ўртасида Жиноятчиликка қарши курашда ҳамкорлик қилиш тўғрисида битим кучга кирди, дейилади Ўзбекистон ТИВ матбуот хизматининг жума куни тарқатилган хабарида.
Битим икки давлатнинг шахс, тинчлик, жамоат хавфсизлиги ва жамоат тартибига хавф солувчи жиноятлар ҳамда иқтисодий фаолият ва ахборот технологиялари соҳаларидаги жиноятчиликка қарши курашда ҳамкорликни кўзда тутади. Битим доирасидаги ҳамкорлик ушбу жиноятларга қарши кураш соҳасидаги ахборот алмашиш ва уларни очишда ёрдам кўрсатиш орқали амалга оширилади.
Эслатиб ўтамизки, мазкур ҳужжат 2012-йил 5-апрел куни Тошкент шаҳрида имзоланган.
