Ўзбекистон ва Корея биргаликдаги юқоритехнологик лойиҳаларни кўпайтиришга келишиб олдилар
Тошкент. 6 январ. ЎзТАГ – Ўзбекистон ва Корея биргаликдаги юқоритехнологик лойиҳаларни кўпайтиришга келишиб олдилар, деб хабар беради Ўзбек телеграф агентлиги (ЎзТАГ) мамлакат президенти матбуот хизматига асосланган ҳолда.
Бу ҳақида Ўзбекистон Республикаси президенти Шавкат Мирзиёев Корея Республикаси президенти вазифасини бажарувчи Хван Гё Ан ўртасидаги телефон мулоқоти пайтида келишиб олинди.
Хван Гё Ан Шавкат Мирзиёевни 2016 йилнинг декабрь ойида ўтказилган Ўзбекистон Республикаси президенти сайловида муносиб ғалаба қозонгани муносабати билан муборакбод этди. Томонлар ўзаро ҳамкорлик тарихидаги шонли сана – Ўзбекистон Республикаси билан Корея Республикаси ўртасида дипломатик муносабатлари ўрнатилганининг 25 йиллиги билан бир-бирини қизғин табриклашди.
“Шавкат Мирзиёев ва Хван Гё Ан икки мамлакат ўртасида ўзаро ишонч, очиқлик ва ҳамфикрлик қарор топганини катта мамнуният билан таъкидлашди. Бу сиёсий, савдо-иқтисодий, молиявий-техникавий, сармоявий, маданий-гуманитар соҳаларда ҳамкорликни ҳар томонлама ривожлантириш учун мустаҳкам пойдевор бўлиб хизмат қилмоқда”, - дейилади хабарда.
