Ўзбекистон ва Корея иккитомонлама ҳамкорликни муҳокама қилдилар
Тошкент. 20 июл. ЎзТАГ – Куни-кеча, 19 июлда Ташқи иқтисодий алоқалар, инвестициялар ва савдо вазирлигида Корея Республикасинг Ўзбекистон Республикасидаги янгидан тайинланган Фавқулодда ва Мухтор Элчиси Квон Ён У билан учрашув бўлиб ўтди, деб хабар беради ТИАИСВ матбуот хизмати.
“Учрашув чоғида иккитомонлама савдо-иқтисодий, инвестицион ва молия-техникавий ҳамкорликнинг ҳозирги ҳолати ва истиқболлари муҳокама қилинди”, - дейилади хабарда.
Таъкидланишича, иқтисодиётнинг устувор тармоқларида Кореянинг етакчи компаниялари билан ҳамкорликда янги қўшма инвестицион лойиҳаларни амалга оширишга алоҳида эътибор қаратилди.