Ўзбекистон ва “Пежо Ситроен” гуруҳи енгил тижорат автомобиллари ишлаб чиқаришни режалаштирмоқда
Тошкент. 17 май. ЎзТАГ – 16 майда Ўзбекистон ва “Пежо Ситроен” гуруҳи Ўзбекистонда енгил тижорат автомобиллари ишлаб чиқариш бўйича қўшма корхона ташкил қилиш ҳақидаги келишувни имзоладилар, деб хабар беради Ўзбек телеграф агентлиги (ЎзТАГ).
“Ўзавтосаноат” маълумотига кўра, янги завод “Жиззах” эркин иқтисодий зонасида барпо этилади.
Ўзбекистонда енгил тижорат автомобиллари ишлаб чиқариш лицензияси 2019 йилдан бошлаб маҳаллий ва ташқи бозорлар учун йилига 16 минг автомобиль ишлаб чиқаришни кўзда тутади.
Лойиҳа “Пежо Ситроен” гуруҳи платформа ва технологиялари ва “Ўзавтосаноат” АК маҳаллий корхоналарига асосланган.
Завод Peugeot ва Citroёn брендлари остида йўловчи ва юк ташишга мўлжалланган енгил тижорат автомобилларини ишлаб чиқаришга ихтисослашади.
ҚКнинг низом капитали 30 млн еврога тенг қўшма корхона ҳар икки томоннинг тенг улуши асосига асосланади. Лойиҳага ялпи инвестициялар $130 млн евро атрофидани ташкил қилади.
“Пежо Ситроен” гуруҳи янги технологиялар, замонавий ишлаб чиқариш жараёнларини жорий қилишга кўмаклашади ҳамда мутахассисларни ўқитади.
ҚК режаларида автомобиль эҳтиёт қисмларини ишлаб чиқарувчи маҳаллий корхоналарни жалб қилиш йўли билан биринчи йилнинг ўзидаёқ 50% маҳаллий маҳсулотлардан фойдаланишни таъминлаш кўзда тутилган. Бугунги кунда “Ўзавтосаноат” АК таркибида 30 атрофида бундай йирик заводлар ва 160 зиёд ўрта ва кичик корхоналар мавжуд.
