Ўзбекистон ва Россия иқтисодий соҳада ҳамкорликка доир янги келишув имзолайдилар
Тошкент. 27 ноябр. ЎзТАГ – Ўзбекистон ва Россия Иқтисодий соҳада 2015-2019 йилларга мўлжалланган ҳамкорликнинг асосий йўналишлари ҳақидаги янги келишувнинг асосий ўринларини келишиб олдилар, дея хабар беради Ўзбек телеграф агентлиги (ЎзТАГ).
Бу ҳақида Иқтисодий ҳамкорлик бўйича ўзбек-россия ҳукуматлараро комиссиясининг Тошкентда бўлиб ўтган йиғилиши якунларида маълум бўлди.
Ўзбекистон Бош вазирининг биринчи ўринбосари Рустам Азимов йиғилишдаги чиқишида янги келишув кейинги йиллардаги савдо-иқтисодий ҳамкорликка асос бўлиши, бу эса глобал молия-иқтисодий таназзули кучаётган ҳамда турли мамлакатлар томонидан халқаро савдони секинлаштираётган санкциялар ва протекционистик чоралардан фойдаланилаётган ҳозирги пайтда жуда муҳимлиги таъкидлади.
Режага кўра, келишув Россия президенти Владимир Путиннинг декабрда Тошкентга ташриф чоғида имзоланиши керак.
