Ўзбекистон ва Тожикистон фармкомпаниялари ҳамкорлик меморандумини имзоладилар

Тошкент. 4 май. ЎзТАГ – “Ўзфармсаноат” АК ва “Доруи Точик” ОАЖ ўртасида ҳамкорлик меморандуми имзоланди, деб хабар беради Ўзбек телеграф агентлиги (ЎзТАГ).

Шунингдек, юқоридаги ширкатлар ўртасида Тожикистон Республикасига Ўзбекистонда ишлаб чиқарилган фармацевтика маҳсулотларини етказиб бериш бўйича 8 шартнома тузилди.

“Ўзфармсаноат” маълумотига кўра, 15-20 апрелда Душанбеда Ўзбек-Тожик бизнес-форуми ва Ўзбекистонда ишлаб чиқарилган миллий маҳсулотлар кўргазмаси ташкил этилди.

Унда “Ўзфармсаноат” АК таркибига кирувчи “Ўзхимфарм” АЖ, “Dentafill Plus” ХК, “Torimed Pharm” МЧЖ, “Jurabek Laboratories” ҚК, “Uzgermed Pharm” ҚК, “Samarkand England Eco Medical” ҚК, “Glovex Medical” ҚК, “Med Standart Glass” МЧЖ ўз маҳсулотларини намойиш қилдилар.