Ўзбекистон ва Туркманистон президентлари ўзаро савдони оширишни муҳокама қилдилар

Тошкент. 29 ноябрь. ЎзТАГ – 28 ноябрь куни Тошкент шаҳрида Ўзбекистон Республикаси президенти Шавкат Мирзиёев ва Туркманистон президенти Гурбангули Бердимуҳамедов ўзаро савдони оширишни муҳокама қилдилар, дея хабар беради Ўзбек телеграф агентлиги (ЎзТАГ).

"Ш.Мирзиёев ва Г.Бердимуҳамедов икки томонлама муносабатларнинг долзарб масалаларини кўриб чиқдилар ва уларни кенгайтириш истиқболларини муҳокама қилдилар. (...) Музокаралар чоғида амалий ҳамкорлик, жумладан, ўзаро савдо-сотиқни ривожлантириш, машинасозлик, энергетика, транспорт, қишлоқ хўжалиги ва бошқа устувор соҳаларда кооперация қўшма лойиҳаларини амалга ошириш масалаларига алоҳида эътибор қаратилди", - дейилади Ўзбекистон раҳбарининг матбуот хизмати хабарида.

Таъкидланганидек, икки мамлакат раҳбарлари, шунингдек, халқаро ва минтақавий масалалар юзасидан фикр алмашдилар.

Музокарадан сўнг Ўзбекистон ва Туркманистон президентлари Туркманистон раҳбарининг илмий ишлари экспозиция китоби билан танишдилар.

Бундан ташқари, Туркманистон президентига Ўзбекистон Фанлар академиясининг Фахрий академиги унвони тантанали равишда топширилди.

Эслатиб ўтамиз, 29 ноябрь куни Тошкентда Марказий Осиё (МО) давлатлари раҳбарларининг иккинчи маслаҳат учрашуви бўлиб ўтади. Шу муносабат билан Қозоғистоннинг биринчи президенти Нурсултон Назарбоев, Тожикистон президенти Имомали Раҳмон Тошкентга келди.

Сурат манбаи: president.uz