Ўзбекистон ва Япония барча даражалардаги алоқаларни фаоллаштирдилар

Тошкент. 17 июл. ЎзТАГ – Ўзбекистон ва Япония барча даражалардаги алоқаларни фаоллаштирдилар, деб хабар беради пайшанба куни Ўзбек телеграф агентлиги (ЎзТАГ).

Хусусан, бугун Ўзбекистон Республикаси Ташқи ишлар вазирлигида Япониянинг Фавқулодда ва Мухтор Элчиси Фумиҳико Като билан учрашув бўлиб ўтди. Унда томонлар бўлажак Ўзбекистон-Япония сиёсий учрашувларининг амалий масалаларини муҳокама қилдилар.

Эслатиб ўтамизки, 27 январда Токиода Иқтисодий ҳамкорлик бўйича ўзбек-япон ва япон-ўзбек қўмиталарининг 12-йиғилиши бўлиб ўтган, унинг доирасида $3,8 млрд миқдорда япон инвестиция ва кредитларини жалб қилишга доир йирик хужжатлар пакети имзоланган эди.

8 майда Ўзбекистон ТИВда Япония парламенти Маслаҳатчилар кенгашининг Кунчиқар мамлакатининг Ўзбекистондаги собиқ элчи Кеко Накаяма бошлиқ гуруҳи аъзолари билан учрашув бўлиб ўтди.

13 июлда ўзбек ташқи сиёсий муассасаси бошлиғи Абдулазиз Камилов Япония Ташқи ишлар вазирининг парламент ўрибосари Кэнтаро Соноуруни қабул қилди.

Шу билан бирга, Япония анъанавий равишда Ўзбекистоннинг муҳим иқтисодий ҳамкорларидан биридир. Икки мамлакат ўртасидаги товар айланмаси $200 млндан ошиқ. Япония томонидан Ўзбекистонга тақдим этилган молиявий-техник кўмакнинг умумий ҳажм $2 млрддан ошиқни ташкил қилади.