Ўзбекистон вакили биринчи марта БМТ Бош Ассамблеяси сессиясининг раисининг ўринбосари бўлди
Тошкент. 7 июнь. ЎзТАГ – Ўзбекистон вакили биринчи марта Бирлашган Миллатлар ташкилоти Бош Ассамблеясининг (БМТ БА) сессия раисининг ўринбосари бўлди, дея хабар беради Ўзбек телеграф агентлиги (ЎзТАГ).
"4 июнь куни БМТ Нью-Йоркдаги бош қароргоҳида БМТ БА 73-сессиясининг навбатдаги ялпи мажлиси бўлиб ўтди. Йиғилиш давомида Ўзбекистон биринчи марта БМТ БА нинг 74-сессиясининг раиси ўринбосари лавозимига сайланди", - дейилади ташкилот ҳузуридаги Ўзбекистон доимий ваколатхонаси матбуот хизмати хабарида.
Қайд этилганидек, Ўзбекистон вакили 2019 йил сентябрь ойида ўз вазифаларини бажаришга киришади ва БА раисига 2020 йил сентябрь ойида мазкур ташкилотнинг ёпилиши қадар фаолиятини бошқаришга кўмаклашади.
Бош раис ўринбосарининг асосий ваколатлари доирасига қуйидагилар: ҳар бир ялпи мажлиснинг раиси бўлмаган даврда унинг очилиши ва ёпилиши, пленар сессияларда музокаралар бошқаруви, йиғилишларда тартибни сақлаш, хусусан, аъзо давлатларга сўз бериш, овоз бериш масалаларини киритиш, шунингдек, улар бўйича қарорларни эълон қилиш киради.
Сурат манбаи: news.un.org
