Ўзбекистон Ягона портали янги хизматни жорий қилди

Тошкент. 4 декабр. ЎзТАГ – Ягона интерактив давлат хизматлари портали (ЯИДХП) фуқароларнинг электрон мурожаати учун зарур электрон рақамли имзодан фойдаланиш механизми ҳақида хабардор қилди, деб хабар беради Ўзбек телеграф агентлиги (ЎзТАГ).

ЯИДХП хабар қилишларича, Ўзбекистоннинг “Жисмоний ва юридик шахсларнинг мурожаатлари тўғрисида”ги қонунига мувофиқ, электрон мурожаат электрон хужжат шаклида бўлиши ҳамда электрон рақамли имзо билан тасдиқланган бўлиши зарур.

Эндиликда электрон рақамли имзони бириктириш учун фойдаланувчи Ягона порталдан электрон рақамли имзо модулини юклаб олиши ва уни мурожаатга бириктириш бўйича қўлланма билан танишиб чиқиши етарли.

Йил бошидан бери ЯИДХП 27,4 минг тадбиркорлик субъектлари рўйхатга олинди, 170,8 минг божхона декларациялари (жами декларацияларнинг 99,9%) электрон услубда расмийлаштирилди.