Ўзбекистон ёшларни ривожлантириш ва ўз-ўзини реализация қилиш учун шарт-шароитларни шакллантиришни таклиф қилди
Тошкент. 25 сентябрь. ЎзТАГ – Ўзбекистон ёшларни ривожлантириш ва ўз-ўзини реализация қилиш учун шарт-шароитларни шакллантиришни таклиф қилди, дея хабар беради Ўзбек телеграф агентлиги (ЎзТАГ).
"23 сентябрь куни ташқи ишлар вазири Абдулазиз Комилов бошчилигидаги Ўзбекистон делегацияси АҚШга ташриф буюриб, Нью-Йоркдаги Осиёда ҳамкорлик ва ишонч чоралари бўйича кенгашга (ОҲИЧК) аъзо давлатлар вазирлари учрашувида иштирок этди", - дейилади Ташқи ишлар вазирлиги матбуот хизмати (ТИВ) хабарида.
Йиғилишда таъкидланганидек, иштирокчилар минтақавий ва халқаро хавфсизликнинг кенг кўламли масалаларини, барқарор иқтисодий тараққиётни, маданий-гуманитар кооперацияни, шунингдек, Афғонистондаги вазиятни муҳокама қилдилар.
"Ўз нутқида (...) А. Комилов БМТнинг ёшлар ҳуқуқлари бўйича халқаро конвециясини ишлаб чиқиш ва қабул қилиш борасидаги саъй-ҳаракатларни бирлаштиришга чақирди, унинг мақсади ёшларни баркамол ривожлантириш ва ўз-ўзини реализация қилиш учун қулай шарт-шароитларни шакллантиришдан иборат", - дейилади хабарда.
Шунингдек, вазир Осиё минтақасида тинчлик, барқарорлик ва фаровонликни таъминлашга қаратилган умумий эзгу мақсадларга эришиш имконини берадиган ишончни мустаҳкамлаш ва ўзаро манфаатли ечимларни топиш бўйича келгусидаги саъй-ҳаракатларни қўллаб-қувватлашга тайёрлигини билдирди.
Сурат манбаи: brocku.ca
