Ўзбекистон ўз миллий электрон савдо майдончасини яратади

Тошкент. 2 март. ЎзТАГ – Ўзбекистон Миллий электрон савдо майдончасини яратишни режалаштирмоқда, деб хабар беради Ўзбек телеграф агентлиги (ЎзТАГ) Sputnik Узбекистана таянган ҳолда.

Хорижий харидорлар унда ўзбек экспортчи корхоналарининг товарларини сотиб олишлари мумкин.

Бунга доир тегишли топшириқни Президент Шавкат Мирзиёев экспортни ошириш ва импортни қисқартиришга бағишланган видеоселектор йиғилиши доирасида берди.

Янги майдонча 2019 йил 1 январдан бошлаб ишга тушиши керак. Жанубий Корея ушбу лойиҳа бўйича стратегик ҳамкор бўлиб қатнашади. Мирзиёев ўзбек экспортчи корхоналарининг электрон базасини шакллантириш, уларнинг ишлаб чиқарилаётган маҳсулот ҳақида маълумот, экспорт ҳажми ва бошқа маълумотлар бўлган электрон паспортларини яратиш ҳақида топшириқ берди.

Сурат манбаи: http://ictnews.uz/15/01/2018/export/