Ўзбекистонда 1,6 мингдан ортиқ мактаблар интерактив доскалар билан жиҳозланади
Тошкент. 17 феврал. ЎзТАГ – 2016 йилда 1,6 мингдан ортиқ мактаблар компьютерлар, жумладан, интерактив электрон доскалар билан жиҳозланади, деб хабар беради Ўзбек телеграф агентлиги (ЎзТАГ).
Бу ишлар “Соғлом она ва бола йили” Давлат дастурида кўзда тутилган. Хужжатга мувофиқ, жорий йилда 28 янги умумтаълим мактаби қуриш, 234 мактабни реконструкция қилиш ва 105 тасини капитал таъмирлаш, уларни янги ўқув мебели, компьютер синфлари, ўқув-лаборатория ускуналари билан таъминлаш ишлари режалаштирилган.
13 академик лицей ва 107 касб-ҳунар коллежини реконструкция қилиш ҳамда капитал таъмирлаш, уларни зарур ишлаб чиқариш ва бошқа ускуналар билан жиҳозлаш режалаштирилмоқда.
286 мактабгача таълим муассасасини капитал таъмирлаш ва жиҳозлаш, ўйин майдонлари ташкил этиш ҳам кўзда тутилмоқда.
