Ўзбекистонда 1 мартдан бизнес юритиш соҳасида қатор тартиблар соддалаштирилмоқда

Тошкент. 6 феврал. ЎзТАГ – Ўзбекистонда 1 мартдан бизнес юритиш соҳасида қатор тартиблар соддалаштирилмоқда, деб хабар беради Ўзбек телеграф агентлиги (ЎзТАГ).

Бу президентнинг 5 февралдаги “Жаҳон банки ва Халқаро молия корпорациясининг “Бизнес юритиш” йиллик ҳисоботида Ўзбекистон Республикасининг рейтингини яхшилашга доир қўшимча чора-тадбирлар тўғрисида​”ги қарори билан кўзда тутилган.

Ҳужжатга мувофиқ, 2018 йил якунлари бўйича Ўзбекистон рейтингда жаҳоннинг 190 та мамлакати орасида 76-ўринни эгаллаб турибди. Мамлакат 2014 йил рейтингида 146-ўринда эди.

Қарор билан Жаҳон банки ва бошқа халқаро молиявий институтлар билан ҳамкорликда ишлаб чиқилган “Йўл харитаси” ишлаб чиқилган, шунингдек, 2020 йилга бориб Doing Business рейтингида 20-ўринга чиқиш вазифаси қўйилган.

Хусусан, 2019 йил 1 мартдан бошлаб тадбиркорлик субъектларини давлат рўйхатидан ўтказиш соҳасида банклар Жиноий фаолиятдан олинган даромадларни легаллаштиришга қарши курашиш бўйича молиявий чоралар ишлаб чиқувчи гуруҳнинг (ФАТФ) талабларидан келиб чиқиб, ариза берувчиларни масофадан туриб идентификация қилиш учун зарур бўлган шарт-шароитлар мавжуд бўлганда таъсисчилари Ўзбекистон Республикаси резидентлари ҳисобланган юридик шахсларга ва якка тартибдаги тадбиркорларга уларни давлат рўйхатидан ўтказиш жараёнида банк ҳисобрақамларини масофадан туриб очиши мумкин. Бундан ташқари, электр таъминоти тизимига уланиш соҳасида истеъмолчиларни электр таъминотидан рухсатсиз узганлик учун иқтисодий санкциялар қўлланилади.

Шунингдек, 1 мартдан бошлаб қурилишга рухсат олиш, мулкни рўйхатдан ўтказиш, миноритар акционерларни, халқаро савдони ҳимоя қилиш ва шартномалар бажарилишини таъминлаш соҳаларидан бошқа чоралар ҳам ўрниталмоқда.

Сурат манбаи: https://ptzgovorit.ru